Korporativ idarəetmə
Dürüst hərəkət etmək və düzgün davranışlar nümayiş etdirmək fəaliyyət göstərdiyimiz cəmiyyətlərdə yaxşı vətəndaş kimi öz vəzifəmizi yerinə yetirmək və onların sağlam inkişafını dəstəkləmək üçün vacibdir. Buna görə, dürüstlük korporativ mədəniyyətimizin təməl sütunu kimi təyin etdiyimiz, kim olduğumuzu, nə ilə məşğul oluduğumuzu və nə cür davrandığımızı müəyyən edən əsas dəyərlərdən biridir
Rüşvətxorluğa və korrupsiyaya qarşı mübarizə
Holcim şirkəti dürüstlük və hesabatlılığın inkişaf etdiyi, uyğunluğun diqqət mərkəzində olduğu mühit yaratmağa çalışır. Holcim şirkətinin kodeksi, siyasətləri və təlimatlarından əlavə sağlam düşüncə və yaxşı mühakimə qabiliyyətindən istifadə etmək biznesin dürüst şəkildə həyata keçirilməsinin təmin edilməsi üçün, hər zaman, kifayət edəcəkdir.
Biznes Davranışı Kodeksi bütün direktorlar, məsul şəxslər və əməkdaşların Holcim şirkətinin biznesi dürüst şəkildə həyata keçirmək öhdəliyini bölüşməsini təmin edir, bu öhdəliyin yerinə yetirilməsi ilə bağlı təlimatları müəyyən edir. O, həmçinin bizim fəaliyyət göstərdiyimiz ölkələrdə qanun və normativ aktlara əməl etdiyimizdən əmin olmağa kömək edir.
Holcim məhsul və xidmətləri keyfiyyət, etibarlılıq və digər meyarlar əsasında satır, lakin bura qətiyyən rüşvət daxil deyil. Beynəlxalq korrupsiya qanunları dünyanın həryerində bütün əməliyyatlarımıza tətbiq olunur. Hər hansı bir formada rüşvət və ya ödəniş təklif etmək, vermək, icazə vermək və ya qəbul etmək, o cümlədən ictimai və ya özəl şəxslərlə əlaqədə olmaq tamamilə qadağandır. Eyni zamanda, iş ilə təmin etdiyimiz üçüncü tərəf şirkətlərə də rüşvət vermək kimi rollarda iştirak etməyə icazə vermirik.Holcim adından fəaliyyət göstərən üçüncü tərəflər də rüşvət verməməli və ya almamalıdır.
"Üçüncü tərəflər" termini müştəri xidmətləri, podratçılar, franchiseçilər, satış agentləri, distribütorlar, gömrük brokerləri, mühasibat və ya hüquq firmaları, vizalar, icazələr və ya yoxlama sertifikatları əldə etməyə kömək edən şirkətlər və birgə müəssisə tərəfdaşları daxil olmaqla geniş bir spektri əhatə edir. Üçüncü tərəf şirkət növündən asılı olmayaraq, Holcim üçün biznes aparan və ya xidmətlər təqdim edən bütün üçüncü tərəflərin Holcim Üçüncü Tərəf Due Diligence Təlimatına ya da qrup şirkətinizdə tətbiq olunan Üçüncü Tərəf Due Diligence Direktivinə uyğun olaraq seçilməsi və işə götürülməsi çox vacibdir.
Sual və şikayət üçün təhlükəsiz yol
https://www.holcim.com/speakup
(012) 446 97 92
Holcim Organisation Code: 117634
