Layihələr

 
 

Holcim Akademiyası

 

Holcim Akademiyası - Holcim Azərbaycan şirkəti tərəfindən qurulmuş, sement əsaslı qarışıqlarla iş bacarıqları üzrə peşəkar təlim mərkəzidir. Mərkəz arzu edən hər kəsə - həm artıq bu sahədə çalışan ustalara, həm də digər peşə sahibləri olan mütəxəssislərə öz kvalifikasiyalarını artırmaq və ya bazarda tələb olunan suvaqçı, bənna, beton ustası və s. kimi peşələrə yiyələnmək imkanı verəcək.  Təlimlərə beynəlxalq təcrübəsi olan ən yaxşı ekspertlər cəlb ediləcək.

Mərkəzin özəlliyi innovativ texnologiyaların, yeni inşaat materiallarının istifadəsi, tətbiq sahəsi barəsində məlumatların çatdırılmasıdır ki, bu da ustaların peşəkarlığı ilə yanaşı, onların gəlirlərinin artırılmasına səbəb olacaq. Burada suvaqçı, bənna peşəsinə yiyələnmək istəyən ustalar pulsuz praktiki təlim və seminarlarda iştirak edərək yeni peşəyə sahib ola bilərlər, bu da öz növbəsində işsizliyin aradan qaldırılmasına müsbət təsir edəcək. Ən əsası iştirakçılar təlim və seminarlar üçün əvvəlcədən hazırlanmış mövzuların siyahısından seçim edə, həm də onları maraqlandıran yeni bir mövzu təklif edə bilərlər.

Təlim proqramı aşağıdakı mövzuları əhatə edir:

  • Yüksək məhsuldarlığa nail olmaq üçün sement qarışıqlarının emalı və çəkilməsinin mexanikləşdirilmiş metodlarının tətbiqi
  • Divar və arakəsmələrin hörülməsi üzrə xidmətlərin göstərilməsinə, suvaq və kiçik beton işlərinə cəlb edilmiş şəxslərin texniki biliklərinin səviyyəsi və iş keyfiyyətinin artırılması
  • Sement məhlullarından istifadə üzrə müasir texnologiyaların öyrənilməsi
  • Yeni başlayanlar üçün peşəkar nəzəri və praktiki kurslar
  • Potensial müştəriləri tapmaq və cəlb etməkdə yardım
  • İşlərin görülməsi zamanı təhlükəsizlik texnikası qaydaları üzrə təlim

 

Holcim hər kəsi əməkdaşlığa dəvət edir!