Beton sinifləri

Beton sinifləri müxtəlif mühəndislik və inşaat layihələrində betonun düzgün istifadəsini təmin etmək üçün nəzərdə tutulmuşdur. Hər bir sinifin özünəməxsus fiziki və mexaniki xüsusiyyətləri ilə seçilir və bu, layihənin tələblərinə uyğun olaraq ən uyğun betonun seçilməsində imkan yaradır.

B7,5 (M100)

Əsasən monolit təməl betonların tökülməsindən əvvəl hazırlıq işləri üçün istifadə olunur.

B10 (M150) — B12,5 (M150)

Əsasən kiçik layihələrin tikintisində döşəmələrin, şapların və bünövrələrin örtülməsi, həmçinin yolların betonlanması və bordürlərin quraşdırılması üçün istifadə olunur.

B15 (M200)

Əsasən yaşayış binalarında beton döşəmələr üçün, həmçinin iki mərtəbədən yüksək olmayan binaların tikintisində istifadə olunur.

B20 (M250)

Əsasən pilləkənlər, dayaqlar, beton platformalar kimi aşağı və ya orta yüklü elementlərin tikintisi üçün istifadə olunur.

B25 (M350)

Əsasən dəmir-beton məmulatlarının istehsalında, monolit bünövrələrin, döşəmələrin, sütunların, monolit divarların tökülməsində, üzgüçülük hovuzlarının və digər süni su anbarlarının inşasında, həmçinin aerodrom və yol plitələrinin istehsalında istifadə olunur.

B30 (M400)

Körpülərin, hidrotexniki qurğuların, körpü konstruksiyalarının, möhkəmliyinə və etibarlılığına xüsusi tələblər qoyulan xüsusi dəmir-beton məmulatlarının, habelə zirzəmilərin döşəmələrinin, istismar zamanı ağır yüklərə məruz qalan konstruksiyaların, bank anbarlarının tikintisində istifadə olunur.

B35 (M450) və yuxarı

Çoxmərtəbəli binaların, hidrotexniki qurğuların, körpülərin, xüsusi dəmir-beton konstruksiyaların, bəndlərin və xüsusi tələblərə cavab verən digər konstruksiyaların tikintisində istifadə olunur.