İcmanın davamlı inkişafı

 

Məşğulluq məsləhət mərkəzi

Holcim (Azərbaycan) şirkəti icma nümayəndə üzvlərinin və ailələrin həyat səviyyəsinin yaxşılaşdırılması istiqamətində Məşğulluq-Məsləhət Mərkəzi yaratmışdır. Bu mərkəz Sahil və Ümid qəsəbə sakinlərinin nümayəndələrini hədəf qrupu olaraq seçmişdir və aşağıda qeyd olunan xidmətlər göstərir:
• Əmək bazarında mövcud iş yerlərinin müəyyən ediıməsi
• Müsahibədən uğurla keçmənin yolları
• Ünvanlı sosial yardımların verilməsi ilə bağlı seminarlar
• Əmək hüquqları

Fəaliyyət göstərdiyi ilk gündən 2013-cü ilin may ayına qədər mərkəzin xidmətindən 1000-dən artıq yerli sakin yararlanmışdır. 800-dən çox insan təlimdə iştirak etmiş, 140-dan çox işlə təmin olunmuş və 60 nəfər Ünvanlı Sosial Yardım almışdır. 

 

Maraqlı tərəflərin müzakirəsi

İcma Məşvərət Qrupu (İMQ) yerli məsələlərin həlli məqsədilə icma nümayəndələrinin mütəmadi olaraq bir araya gətirilməsi üçün səmərəli bir mexanizmdir. O, bütün əsas maraqlı tərəflər arasında etibar yarada biləcək və müzakirələrə başlamaq üçün əsas qurumdur. İMQ zavod və icma arasında güclü münasibətlərin qurulmasına imkan yaradır.

 

Əlil uşaqlarin reabilitasiya mərkəzlərinin yaradilmasina dəstək 

On ildən artıqdır ki, “Müşviq” Əlil Uşaqlara Yardım İctimai Birliyində xüsusi qayğıya ehtiyyacı olan uşaqların sosial inteqrasiyası proqramı həyata keçirilir. Bu proqramın məqsədi uşaqların bacarıqlarını üzə çıxararaq, özlərini gələcəkdə idarə etməsi üçün imkanlar yaratmaqdır.  Ümumilikdə mərkəzdə 80 nəfər əlilliyi olan uşaqların reabilitasiyası həyata keçirilir. Əlavə olaraq bu uşaqlara Qaradağ rayonu üzrə mobil xidmətlər də göstərilir. Holcim (Azərbaycan) ASC 2001-ci ildən bu layihənin yeganə sponsorudur.

Əlavə məlumat üçün xahiş edirik aşağıdakı linkə baxın: http://www.holcim.az/uploads/AZ/Ventendash_cemiyyeti_N3_2013.pdf

 

Biznes sektoru, dövlət strukturlari və qht-lər arasinda ilk  sosial əməkdaşliq

Biznes sektorunun vətəndaş cəmiyyətinin inkişafına cəlb olunması və eyni zamanda QHT Dövlət Dəstəyi Şurası ilə əməkdaşlıq çərçivəsində "Qaradağ Sement" ASC yeni bir mərhələnin təməlini qoydu. Layihə çərçivəsində aşağıdakı istiqamətlər üzrə 33 QHT ilə əməkdaşlıq edilmişdir:

• QHT-lər üçün ictimaiyyətlə əlaqələrinin qurulması sahəsində peşəkar kadrların hazırlanması
• Yoluxucu xəstəliklər haqqında mövcud vəziyyətin öyrənilməsi və bu sahədə profilaktik tədbirlərin həyata keçirilməsi üçün təkliflərin verilməsi
• Sosial təşəbbüslərin dəstəklənməsi

 Əlavə məlumat üçün xahiş edirik aşağıdakı linkə baxın:
http://www.qhtxeber.az/news/a-3069.html